Αρνί μ' μεταξοζύγιστον,
χαιρούμαι ντ' είμαι ταίρις',
ποίκα κρεβάτ' την εγκάλιας',
μαξίλαρ' το σπαλέρις'.
Τένι, τένι, τένι, τένα,
το πουλί μ' μανάχον έναν.
Τένι, τένι, τένι, τένα,
τα κρίματα μουν πολλά.
Σαρίν αρνόπο μ' και μικρόν,
σην εγκαλία μ' ντο κείσε,
αση Θεού τα θάματα,
το τρανόν εσύ είσαι.
Τένι, τένι....
Με το κοντύλ(ν)' ατ' το χρυσόν,
έβαψε τα μαλλίας',
και με το χιόν' ασά ρασία,
τ' άσπρα ποίκε τα ψύας'.
Τένι, τένι....
Με το χρώμα τη θάλασσας,
έβαψε το ματόπας',
αν ψαλαφούν(ε) με θ' εχω,
το ψόπο μ' σα χερόπας'.
Τένι, τένι......
<--ακούστε το κομμάτι εδώ-->
No Response to "Μεταξοζύγιστον"
Δημοσίευση σχολίου