RSS Feed Twitter

ένα μουσικό blog που απευθύνεται κυρίως στον ποντιακό πληθυσμό αλλά και σε όποιον αγαπάει την ποντιακή μουσικη παραδοση. ένα blog με στιχους από ποντιακά τραγούδια

τραντάφυλλον φύτεψες

Τραντάφυλλον φύτεψες,
ση καρδίας' ιμ' το κεπίν,
με τ' αχάντεατ' γόμωσες',
γεράδες απές σην ψύ μ'.

Σην καρδία μ' απάν πουλι μ',
κοιμούσνε καθάν βραδύν,
γνέφυζες με το πουρνόν,
μ' έναν φίλεμαν γλυκίν.

Έλεγες με εντάμαν,
θα γερούμε σην ζωήν,
εφυές και πότ(ι)σες με,
ζεχίρ' απές σο ποτήρ'.

Θάρρεσα θα έχωσε,
θα είσαι πάντα τεμόν,
ασου έφυγες κι βγαίν',
ο ήλον σον ουρανόν.


<--ακούστε το κομμάτι εδώ-->

για τεσέν ψύκα μ'

Η εμορφία τη κοσμή,
σ' εσέν εν σερεμένο,
σην καρδία μ' ντ' έχω για τεσέν,
βαθέα εν κρυμένον.

Άψιμον σον κόσμος εσέγκες,
άλλος κ' εν άμον εσέν,
ψύκα μ' δώσ' με έναν φιλόπον,
μάνα εποίκε και εμέν.

Απές σο μάτιας' κρύφκουνταν,
ο ουρανόν και τ' άστρα,
άψιμον πάιρω απ' ατά
και η ψύ μ' φορεί τ' άσπρα.

Άψιμον σον κόσμον εσέγκες...

Εμάεψές με και έχασα
τ' αχούλι μ' για τ' εσένα,
η ώρα να μαθάνω έν,
τ' εγάπης τα γραμμέναν.

Άψιμον σον κόσμον εσέγκες...

Πού κες καρδία μ' να κρύφτω σε,
σ' εγάπ' να μήν κομπούσε,
πώς θα μαθάνς' ασό μαχαίρ',
μίαν αν κι ματούσε.

Άψιμον σον κόσμον εσέγκες....


<--ακούστε το κομμάτι εδώ-->













home | about me |contact| σχετικά | η λυρα του πόντου | χοροί | ποντιακή διάλεκτος | γενοκτονία | ανακοινώσεις

------------------------------------------------------------------

last update: 30/07/2010